प्रधानमन्त्री तथा मन्त्रिपरिषद्को कार्यालयमा आज बसेको मन्त्रिपरिषद् बैठकले एसियाली खेलकुदका पदक विजेता खेलाडीलाई पुरस्कार प्रदान गर्ने तथा विश्व बैंकसँगको वित्तीय सम्झौता स्वीकृत गर्नेलगायतका महत्त्वपूर्ण निर्णयहरू गरेको छ ।
बैठकले जापानको आईची–नागोयामा सम्पन्न २०औँ एशियाली खेलकुदमा पदक प्राप्त गर्न सफल महिला कबड्डी र कराँते खेलका खेलाडी, प्रशिक्षक तथा व्यवस्थापकहरूलाई नगद पुरस्कार प्रदान गर्ने निर्णय गरेको हो ।
यसैगरी, मन्त्रिपरिषद् बैठकले विश्व बैंकसँग नेपाल अर्थक्वेक क्याटास्ट्रोपी बन्डसम्बन्धी म्यान्डेड एग्रिमेन्टमा हस्ताक्षर गर्न स्वीकृति दिने निर्णयसमेत गरेको छ ।
यस विज्ञापनमा इच्छुक हुनुहुन्छ?
के तपाईं लिंकमा जारी राख्न चाहनुहुन्छ वा थप विवरणको लागि आफ्नो जानकारी प्रदान गर्न चाहनुहुन्छ?
कृपया तपाईंको विवरण दिनुहोस्
अगाडि बढ्न विवरण भर्नुहोस्
अन्य प्रशासनिक निर्णयहरूतर्फ, बिटौरी जग्गामा बसोबास गर्दै आएका व्यक्तिहरूको नाममा जग्गा दर्ता गर्नेसम्बन्धी समिति गठन आदेश, २०८३ स्वीकृत गरिएको छ । साथै, नेपाल न्याय सेवा, सरकारी समूहका सहन्यायाधिवक्ता अच्युतमणि नेउपानेलाई राजपत्राङ्कित विशिष्ट श्रेणीमा बढुवा गरी बेपत्ता पारिएका व्यक्तिको छानबिन आयोगको सचिव पदमा पदस्थापन गर्ने निर्णय भएको छ ।
यी निर्णयहरूले खेलकुद क्षेत्रको प्रोत्साहन, विपद् जोखिम वित्तीय व्यवस्थापन, भू-स्वामित्व व्यवस्थापन तथा प्रशासनिक संयन्त्रको सुदृढीकरणमा योगदान पुर्याउने अपेक्षा गरिएको छ ।
