नेपाली सङ्गीतमा नयाँ पुस्ताको भावना, सिर्जनशीलता र मौलिकतालाई प्रवर्द्धन गर्ने उद्देश्यसहित एक्सट्रीम इनर्जी ड्रिंकले अक्टोबर १० देखि काठमाडौंमा ‘एक्सट्रीम म्युजिक सिरिज’ को औपचारिक सुरुवात गरेको छ। यस सिरिजले मौलिक सङ्गीत र नवीन दृश्य प्रस्तुतिमार्फत दर्शक तथा श्रोताहरूमाझ फरक साङ्गीतिक अनुभव प्रदान गर्ने लक्ष्य राखेको छ।
एक्सट्रीम इनर्जी ड्रिंकको अवधारणामा आधारित यस सिरिजको व्यवस्थापन आर्बिट्ररी रेकर्ड्सले र निर्माण एनएफटीपी (नर्थ फ्रम दिस प्लानेट) ले गरिरहेका छन्। योजनाअनुसार प्रत्येक दुई सातामा एउटा नयाँ मौलिक गीत सार्वजनिक गरिनेछ, जुन एक्सट्रीम म्युजिक सिरिजको आधिकारिक युट्युब च्यानलमार्फत हेर्न र सुन्न सकिनेछ।
यस विज्ञापनमा इच्छुक हुनुहुन्छ?
के तपाईं लिंकमा जारी राख्न चाहनुहुन्छ वा थप विवरणको लागि आफ्नो जानकारी प्रदान गर्न चाहनुहुन्छ?
कृपया तपाईंको विवरण दिनुहोस्
अगाडि बढ्न विवरण भर्नुहोस्
यस पहिलो सिजनमा याबेश, एसटीम्यान, भेक, व्योमा, ब्लुज, बिजेन, फोकटोनिक्स, डोङ र क्रिजेन गरी नौ जना कलाकारहरू सहभागी हुनेछन्। प्रत्येक कलाकारले आफ्नो छुट्टै सङ्गीत शैली र सिर्जनात्मक पहिचानमार्फत यस सिरिजलाई थप रोमाञ्चक बनाउने अपेक्षा गरिएको छ।
परम्परागत शैलीभन्दा फरक रहेर नयाँ सङ्गीत प्रयोग, सिर्जनात्मक सहकार्य र स्वतन्त्र अभिव्यक्तिलाई प्रोत्साहन गर्ने उद्देश्यले यो पहल गरिएको हो। नेपाली सङ्गीत क्षेत्रका प्रतिभाहरूलाई उजागर गर्दै यो प्रयासले स्थानीय सङ्गीत संस्कृति र कलाको दीर्घकालीन संवर्द्धनमा योगदान पुर्याउने देखिन्छ।
