जलवायु परिवर्तनका कारण बारम्बार सिर्जित विपत्ति भोगिरहेको नेपालले अन्तर्राष्ट्रिय मञ्चमा आफ्नो अधिकार र जलवायु न्यायको मुद्दा सशक्त रूपमा उठाउने भएको छ। यसै सिलसिलामा संयुक्त राष्ट्रसंघको महासभामा भाग लिन प्रधानमन्त्री बालेन शाह न्युयोर्क प्रस्थान गर्नुभएको छ।
आगामी असोज ८ गते महासभालाई सम्बोधन गर्दै प्रधानमन्त्री शाहले विश्व समुदायको ध्यान नेपालले खेप्नुपरेको वातावरणीय सङ्कट र जनधनको क्षतिमा आकर्षित गराउनुहुनेछ। नेपालको कार्बन उत्सर्जन नगण्य रहे तापनि जलवायुजन्य प्रकोपबाट भइरहेको नकारात्मक असरबारे उनले तथ्याङ्क प्रस्तुत गर्ने कार्यक्रम छ।
भ्रमणका क्रममा प्रधानमन्त्री शाहले संयुक्त राष्ट्रसंघका महासचिव एन्टोनियो गुटेरेससँग छुट्टै साइडलाइन वार्ता गरी सहयोग र सहकार्यबारे छलफल गर्नुहुनेछ।
यस विज्ञापनमा इच्छुक हुनुहुन्छ?
के तपाईं लिंकमा जारी राख्न चाहनुहुन्छ वा थप विवरणको लागि आफ्नो जानकारी प्रदान गर्न चाहनुहुन्छ?
कृपया तपाईंको विवरण दिनुहोस्
अगाडि बढ्न विवरण भर्नुहोस्
प्रधानमन्त्रीको सम्बोधन पूर्व आवश्यक कूटनीतिक तयारीका लागि परराष्ट्रमन्त्री शिशिर खनाल नेतृत्वको नेपाली टोली पहिले नै न्युयोर्क पुगिसकेको छ।
राष्ट्रसंघीय महासभाका सत्र र उच्चस्तरीय भेटवार्ता सम्पन्न गरी प्रधानमन्त्री बालेन असोज १० गते स्वदेश फर्किने कार्यतालिका छ।
