परासी । निर्वाचनको स्थिर समय (मौन अवधि) सुरु भइसक्दा पनि नवलपरासी पश्चिम क्षेत्र नम्बर १ मा नेपाली कांग्रेसका उम्मेदवारले नियमविपरीत गुगलमार्फत डिजिटल विज्ञापन जारी राखेका छन्। निर्वाचन आचारसंहिताले मौन अवधिमा कुनै पनि प्रकारका प्रचारप्रसार निषेध गरे पनि कांग्रेस उम्मेदवारले प्रविधिको प्रयोग गरी मतदाता प्रभावित पार्ने काम गरिरहेका हुन्।
गुगल एडमार्फत प्रचार जारी
नवलपरासी पश्चिम–१ का उम्मेदवारको चुनावी विज्ञापन अहिले पनि विभिन्न वेबसाइट र मोबाइल एपहरूमा 'गुगल एड' (Google Ads) का रूपमा देखिइरहेका छन्। उक्त विज्ञापनमा क्लिक गरेपछि सिधै उम्मेदवारको आधिकारिक वेबसाइट www.binodformp.com खुल्छ, जहाँ उनका एजेन्डा र चुनावी सामग्रीहरू राखिएका छन्।
के भन्छ आचारसंहिता ?
निर्वाचन आयोगले मतदान हुनुभन्दा ४८ घण्टा अगाडिदेखि मौन अवधि लागू हुने स्पष्ट पारेको छ। यस अवधिमा:
यस विज्ञापनमा इच्छुक हुनुहुन्छ?
के तपाईं लिंकमा जारी राख्न चाहनुहुन्छ वा थप विवरणको लागि आफ्नो जानकारी प्रदान गर्न चाहनुहुन्छ?
कृपया तपाईंको विवरण दिनुहोस्
अगाडि बढ्न विवरण भर्नुहोस्
- भौतिक वा डिजिटल कुनै पनि माध्यमबाट मत माग्न पाइँदैन।
- सामाजिक सञ्जाल, अनलाइन पोर्टल वा सर्च इन्जिनमा पैसा तिरेर विज्ञापन गर्न पाइँदैन।
- नयाँ चुनावी सामग्री पोस्ट गर्न वा प्रचारलाई निरन्तरता दिन निषेध गरिएको छ।
निर्वाचन आयोगको चुनौती
मौन अवधिमा उम्मेदवारले 'डिजिटल सटर' खुला राखेर आचारसंहिताको धज्जी उडाएपछि स्थानीय मतदाता र सरोकारवालाहरूले प्रश्न उठाएका छन्। भौतिक सभा र र्याली रोकिए पनि डिजिटल स्पेसमा भइरहेको यो विज्ञापनले निर्वाचनको निष्पक्षतामाथि चुनौती थपेको छ।
निर्वाचन आयोगले यस्ता डिजिटल विज्ञापनहरू तत्काल हटाउन र आचारसंहिता उल्लंघन गर्ने उम्मेदवारमाथि कारबाही प्रक्रिया अगाडि बढाउनुपर्ने माग स्थानीय स्तरमा उठेको छ।
