नेपाली कांग्रेसभित्रको आन्तरिक मतभेद अन्त्यका लागि सभापति गगनकुमार थापाले नयाँ कदम चालेका छन्। उनले पार्टीका असन्तुष्ट नेताहरूलाई उनीहरूले इच्छाएका जिम्मेवारी दिएरै भए पनि एकताबद्ध बनाउन आफू तयार रहेको स्पष्ट पारेका छन्।
काठमाडौँमा आज आयोजित पार्टीको एक कार्यक्रममा बोल्दै सभापति थापाले केन्द्रीय कार्यसमितिभन्दा बाहिर रहेका नेताहरूसँग सहकार्यको हात बढाएका हुन्। उनले असन्तुष्ट पक्षलाई मूलधारमा ल्याउन जुनसुकै ओहोदा सुम्पन पनि आफ्नो सहमति रहने प्रतिबद्धता जनाए।
यस विज्ञापनमा इच्छुक हुनुहुन्छ?
के तपाईं लिंकमा जारी राख्न चाहनुहुन्छ वा थप विवरणको लागि आफ्नो जानकारी प्रदान गर्न चाहनुहुन्छ?
कृपया तपाईंको विवरण दिनुहोस्
अगाडि बढ्न विवरण भर्नुहोस्
पार्टीको १४औँ महाधिवेशनबाट चुनिएका नेताहरूको ठूलो हिस्सा हाल मूल नेतृत्व संरचनाभन्दा बाहिर रहेको छ। यसै विषयलाई सम्बोधन गर्दै थापाले कार्यसमिति बाहिर रहेका प्रत्येक इच्छुक नेतालाई वर्तमान केन्द्रीय समितिमा ल्याएर मर्यादापूर्वक वरिष्ठ नेता लगायतका आवश्यक स्थान दिन आफू तयार रहेको बताए।
यसका साथै आगामी महाधिवेशनका लागि गठन हुने निर्वाचन समितिमा समेत बाहिर रहेका नेताहरूकै सल्लाह र सहमति अनुसार सदस्यहरू चयन गर्न सकिने जानकारी सभापति थापाले दिएका छन्।
