श्रम संस्कृति पार्टीका अध्यक्ष हर्कराज राई (हर्क साम्पाङ) ले आफ्नो र परिवारको सुरक्षामा गम्भीर खतरा उत्पन्न भएको भन्दै प्रहरीको साइबर ब्युरोमा कानुनी ढोका ढकढकाएका छन्। सोमबार काठमाडौँको भोटाहिटीस्थित ब्युरोमा पुगेर उनले सुनिता खड्का नाम गरेकी महिलाविरुद्ध लिखित उजुरी दिएका हुन्। सामाजिक सञ्जालको दुरुपयोग गरी आफूलाई ज्यान मार्ने र घर समेत जलाउने धम्की दिइएको साम्पाङको दाबी छ।
साम्पाङले सार्वजनिक गरेको उजुरी विवरण अनुसार, विपक्षीले टिकटक र फेसबुक जस्ता माध्यमबाट अत्यन्तै तल्लो स्तरमा उत्रिएर गालीगलौज गर्नुका साथै हिंसात्मक धम्की दिएकी छिन्। उजुरीमा ती महिला राष्ट्रिय स्वतन्त्र पार्टी (रास्वपा) की समर्थक रहेको उल्लेख गर्दै साम्पाङले राजनीतिक आस्थाका आधारमा अपराध गर्नेलाई सरकारले कारबाही गर्छ कि गर्दैन भनी प्रश्न समेत गरेका छन्। उनले सम्बन्धित टिकटक आइडी र भिडियो प्रमाणका रूपमा ब्युरोलाई बुझाएका छन्।
यस विज्ञापनमा इच्छुक हुनुहुन्छ?
के तपाईं लिंकमा जारी राख्न चाहनुहुन्छ वा थप विवरणको लागि आफ्नो जानकारी प्रदान गर्न चाहनुहुन्छ?
कृपया तपाईंको विवरण दिनुहोस्
अगाडि बढ्न विवरण भर्नुहोस्
साइबर ब्युरोका प्रहरी उपरीक्षक (एसपी) दिलिप गिरीले साम्पाङको तर्फबाट उजुरी दर्ता भएको पुष्टि गर्दै यसबारे थप प्रक्रिया अगाडि बढाइने जानकारी दिएका छन्। सामाजिक सञ्जालमा बढ्दो उच्छृङ्खलता र राजनीतिक प्रतिशोधका कारण उत्पन्न हुने यस्ता धम्कीले कानुनी राज्यको उपहास गरेको भन्दै साम्पाङले दोषीलाई कडा कारबाहीको माग गरेका छन्। अबको अनुसन्धानले डिजिटल माध्यममा व्यक्त हुने धम्की र त्यसको कानुनी उपचारको प्रभावकारितालाई स्पष्ट पार्ने देखिन्छ।
