वीरगञ्जका हिन्दुवादी अगुवा एवं राष्ट्रिय समता पार्टीका अध्यक्ष विजय प्रकाश निषादलाई पर्सा प्रहरीले नियन्त्रणमा लिएको घटनाप्रति राष्ट्रिय एकता दलले आफ्नो गम्भीर ध्यानाकर्षण भएको जनाएको छ। दलले विज्ञप्ति जारी गर्दै लोकतान्त्रिक मुलुकमा आफ्नो आस्था, धर्म र संस्कृतिको पक्षमा आवाज उठाउन पाउने नागरिकको संवैधानिक अधिकारमाथि राज्यले हस्तक्षेप गरेको ठहर गरेको छ।
राष्ट्रिय एकता दलका मधेश प्रदेश इन्चार्ज रामनाथ यादवद्वारा जारी प्रेस विज्ञप्तिमा निषादको गिरफ्तारीलाई राजनीतिक प्रतिशोध र लोकतान्त्रिक मूल्य–मान्यता विपरीतको कदम भनिएको छ। शान्तिपूर्ण रूपमा विचार राख्दै आएका नेतामाथि भएको यस्तो धरपकडले नागरिकको राज्यप्रतिको भरोसालाई थप कमजोर बनाउने दलको भनाइ छ।
यस विज्ञापनमा इच्छुक हुनुहुन्छ?
के तपाईं लिंकमा जारी राख्न चाहनुहुन्छ वा थप विवरणको लागि आफ्नो जानकारी प्रदान गर्न चाहनुहुन्छ?
कृपया तपाईंको विवरण दिनुहोस्
अगाडि बढ्न विवरण भर्नुहोस्
आफ्नो धार्मिक पहिचानको वकालत गरेकै कारण राजनीतिक व्यक्तित्वलाई थुनामा राख्नु नागरिक अधिकारको हनन भएको भन्दै राष्ट्रिय एकता दलले नेपाल सरकारसँग निषादको बिनासर्त र तत्काल रिहाइको माग गरेको छ। यसका साथै आस्थाका आधारमा गरिने दमन रोकेर नागरिकको संवैधानिक स्वतन्त्रताको सम्मान गर्न समेत सरकारलाई आग्रह गरिएको छ। यस घटनाले आगामी दिनमा सरकार र असन्तुष्ट राजनीतिक दलहरूबीचको सम्बन्ध कस्तो मोडमा पुग्छ भन्ने संकेत गर्नेछ।
