काठमाडौँ — पूर्व नेपाली राजदूत, प्रखर अधिकारकर्मी तथा संविधानवादका प्रखर पक्षधर विजयकान्त कर्णले धार्मिक सहिष्णुता, सद्भाव र समावेशी सोचको पक्षमा आफ्नो सशक्त धारणा व्यक्त गर्नुभएको छ।
अन्तर्राष्ट्रिय जगत्मा राम्रो पहिचान बनाएकी, अत्यधिक लोकप्रिय तथा चर्चित 'जेन-जी' (GenZ) नेतृ ज्यास्मिन ओझाले हालै पशुपतिनाथ मन्दिरमा गैर-हिन्दुको प्रवेशलाई लिएर सामाजिक सञ्जालमा एउटा धारणा सार्वजनिक गर्नुभएको थियो। नेतृ ओझाले आफ्नो फेसबुक स्टाटसमा लेख्नुभएको थियो:
"ईन्तु किन्तु परन्तु होइन, परापूर्व कालदेखि चलिआएको सनातनी आस्था र परम्परा माथि धावा बोलने शैलीमा गैर-हिन्दुको आराध्यदेव भगवान् श्री पशुपतिनाथ को पवित्र मन्दिरमा प्रवेश हुनु खेदजनक छ भत्सर्ना योग्य छ भगवानको पवित्रस्थलमा यो किसिम का हर्कत अक्षम्य छन् । माफीले पुग्दैन आराध्यदेव को सुरक्षामा खटिएका सुरक्षाकर्मी पशुपति क्षेत्र बिकास कोषका कर्मचारीहरु बाट समेत तुरुन्त बयान लिईयोस् र असाबधानी बमोजिम कारवाही को दायरामा ल्याईयोस् ! भगवान पशुपतिनाथले हामी सबैको रक्षा गरुन् ।"
उक्त स्टाटसमाथि सकारात्मक र वैचारिक टिप्पणी गर्दै डेनमार्कका लागि नेपालका पूर्वराजदूत कर्णले पशुपतिनाथ सबैका लागि उदार र समभाव राख्ने देव हुनुहुन्छ भन्ने सन्देश दिनुभएको छ। सामाजिक सञ्जालमा उहाँको भनाइको जवाफ दिँदै कर्णले लेख्नुभएको छ:
यस विज्ञापनमा इच्छुक हुनुहुन्छ?
के तपाईं लिंकमा जारी राख्न चाहनुहुन्छ वा थप विवरणको लागि आफ्नो जानकारी प्रदान गर्न चाहनुहुन्छ?
कृपया तपाईंको विवरण दिनुहोस्
अगाडि बढ्न विवरण भर्नुहोस्
"पशुपतिनाथजी लाई कुनै अप्ठ्यारो छैन भने अरुलाई किन समस्या। पशुपतिनाथ ले कहिले र कहाँ भनेका छन् कि अन्य धर्मावलम्बीहरूलाई प्रवेश नदिनु।"
लामो समयदेखि मानव अधिकार, संविधानवाद, धर्मनिरपेक्षता र धार्मिक स्वतन्त्रताको पक्षमा निरन्तर उभिँदै आउनुभएका कर्णको यो विचारले नेपाली समाजमा विद्यमान बहुसांस्कृतिक सुन्दरता, आपसी भ्रातृत्व र धार्मिक सहिष्णुताको मर्मलाई थप उजागर गरेको छ।
विभिन्न पुस्ताका विचार र दृष्टिकोणका बीच पनि आपसी सद्भाव, लोकतान्त्रिक बहस र धार्मिक स्वतन्त्रताको मर्मलाई जोगाइराख्नुपर्छ भन्ने उहाँको यो दृष्टिकोणले नेपाली समाजमा सहअस्तित्व र भ्रातृत्व कायम राख्न महत्त्वपूर्ण योगदान पुर्याउने विश्वास लिइएको छ।
