काठमाडौं — नेपाली सेनामा मधेशी समुदायको प्रतिनिधित्व बढाउन माग गर्दै मधेश केन्द्रित प्रमुख राजनीतिक दलहरू जनता समाजवादी पार्टी (जसपा) र जनमत पार्टीले संयुक्त आन्दोलनको तयारी थालेका छन्। राज्यका सुरक्षा निकायमा समानुपातिक सहभागिता सुनिश्चित गर्नुपर्ने मुख्य एजेन्डासहित यी दलहरूले आन्तरिक छलफललाई तीव्रता दिएका हुन्।
स्रोतका अनुसार, जसपा र जनमत पार्टीले नेपाली सेनामा एकमुष्ट १० हजार मधेशी युवालाई प्रवेश गराउनुपर्ने माग अघि सार्ने तयारी गरेका छन्। यसै मागलाई मुख्य मुद्दा बनाएर मधेशका २२ वटै जिल्लामा केन्द्रित हुने गरी आन्दोलनको प्रारम्भिक गृहकार्य भइरहेको छ।
समावेशी सिद्धान्त र प्रधानमन्त्रीसँगको अपेक्षा
लामो समयदेखि नेपाली सेना लगायत राज्यका प्रमुख निकायमा मधेशी समुदायको उपस्थिति अत्यन्त न्यून रहेको भन्दै मधेशवादी नेताहरूले असन्तुष्टि व्यक्त गर्दै आएका छन्। संविधानले परिकल्पना गरेको समावेशी सिद्धान्तबमोजिम सुरक्षा निकायमा सबै समुदायको समान पहुँच हुनुपर्ने उनीहरूको अडान छ।
यस विज्ञापनमा इच्छुक हुनुहुन्छ?
के तपाईं लिंकमा जारी राख्न चाहनुहुन्छ वा थप विवरणको लागि आफ्नो जानकारी प्रदान गर्न चाहनुहुन्छ?
कृपया तपाईंको विवरण दिनुहोस्
अगाडि बढ्न विवरण भर्नुहोस्
विशेषगरी, हाल देशको प्रधानमन्त्रीमा मधेशी मूलको नेतृत्व रहेकाले आफ्ना वर्षौंदेखिका मागहरू सम्बोधन हुनेमा उनीहरूले उच्च अपेक्षा राखेका छन्। यही राजनीतिक अनुकुलता र अपेक्षालाई मध्यनजर गर्दै संयुक्त आन्दोलन र दबाबको रणनीति तय गरिएको बुझिएको छ।
आगामी कदम
हाल दुवै दलका शीर्ष नेताहरूबीच आन्दोलनको मिति, स्वरूप, संयुक्त कार्यक्रम र मोर्चा निर्माणबारे विभिन्न चरणमा घनिभूत छलफल भइरहेको छ। छिट्टै संयुक्त रूपमा आन्दोलनका कार्यक्रमहरू सार्वजनिक गरिने सम्भावना रहेको स्रोतले जनाएको छ।
