नेपाली कांग्रेसको १५औं महाधिवेशन अन्तर्गत केन्द्रीय कार्यसमितिको मधेस प्रदेश महिलातर्फको सदस्य पदमा मेघा शाही विजयी भएकी छन्। स्थापित जनप्रतिनिधिलाई पराजित गर्दै प्राप्त शाहीको यो जितले पार्टी प्रतिनिधिहरूमा युवा नेतृत्व र 'नेपाली कांग्रेस २.०' को अवधारणाप्रति उच्च आकर्षण रहेको पुष्टि गरेको छ।
प्राप्त अन्तिम मतपरिणाम अनुसार शाहीले सर्वाधिक २४६७ मत (३५.७%) प्राप्त गरी जित हासिल गरिन्। उनकी निकटतम प्रतिस्पर्धी सुरुंगा नगरपालिकाकी बहालवाला प्रमुख गीता चौधरीले २०५३ मत (२९.७%) ल्याइन्। शाहीले नगर प्रमुख चौधरीलाई ४१४ मतान्तरले पराजित गरेकी हुन्। यसैगरी चुनावी प्रतिस्पर्धामा लक्ष्मी बराल १२४१ मत (१८%) सहित तेस्रो र किरण सरकार ८९५ मत (१२.९%) सहित चौथो स्थानमा रहे।
यस विज्ञापनमा इच्छुक हुनुहुन्छ?
के तपाईं लिंकमा जारी राख्न चाहनुहुन्छ वा थप विवरणको लागि आफ्नो जानकारी प्रदान गर्न चाहनुहुन्छ?
कृपया तपाईंको विवरण दिनुहोस्
अगाडि बढ्न विवरण भर्नुहोस्
बहालवाला नगर प्रमुखमाथि युवा उम्मेदवारको यो जितले कांग्रेसको आन्तरिक राजनीतिमा पुस्तान्तरण र रूपान्तरणको स्पष्ट सन्देश दिएको छ। पार्टीको नयाँ सांगठनिक संरचना निर्माण भइरहँदा केन्द्रीय तहमा युवाहरूको बढ्दो प्रभावले आगामी दिनमा सांगठनिक गतिशीलता थप सुदृढ हुने अपेक्षा गरिएको छ।
