नेपाली चलचित्र पत्रकारिताले आज एक अनुभवी र समर्पित व्यक्तित्व गुमाएको छ। पत्रकार दिनेश सिटौलाको काठमाडौंमा उपचारका क्रममा निधन भएको हो।
अछाम भ्रमणका क्रममा एक्कासी बेहोस भएपछि उनलाई काठमाडौं ल्याई ग्राण्डी अस्पतालमा भर्ना गरिएको थियो। चिकित्सकका अनुसार उनी एन्यूरिज्म रप्चरका कारण गम्भीर ब्रेन ह्यामरेजबाट पीडित थिए।
भेन्टिलेटरमा राखेर सघन उपचार भइरहे पनि न्यूरोलोजिकल सुधार नदेखिएपछि आज दिउँसो १२:४५ बजे उनलाई मृत घोषणा गरिएको अस्पतालले जनाएको छ।
उनको अन्त्येष्टि आजै पशुपति आर्यघाटमा गरिने तयारी छ।
यस विज्ञापनमा इच्छुक हुनुहुन्छ?
के तपाईं लिंकमा जारी राख्न चाहनुहुन्छ वा थप विवरणको लागि आफ्नो जानकारी प्रदान गर्न चाहनुहुन्छ?
कृपया तपाईंको विवरण दिनुहोस्
अगाडि बढ्न विवरण भर्नुहोस्
४३ वर्षीय सिटौला अविवाहित थिए। उनका पिता, एक दिदी र दुई दाजुभाइ छन्। **चलचित्र पत्रकार संघ नेपाल**का पूर्वअध्यक्ष रहेका उनले सयौं नेपाली चलचित्रको प्रचार–प्रसारमा योगदान दिएका थिए।
सिटौला राष्ट्रिय स्वतन्त्र पार्टीका वरिष्ठ नेता बालेन्द्र साहको चुनावी अभियान टोलीसँग अछाम पुगेका थिए।
उनको असामयिक निधनले नेपाली सांस्कृतिक पत्रकारितामा गहिरो रिक्तता सिर्जना गरेको छ।
