महिलाहरूको स्वास्थ्यलाई उच्च प्राथमिकतामा राख्दै काठमाडौं महानगरपालिका र वीर अस्पतालको संयुक्त आयोजनामा निःशुल्क स्तन तथा पाठेघरको क्यान्सर स्क्रिनिङ कार्यक्रम सुरु भएको छ। सोमबार आयोजित एक समारोहका बीच महानगरकी कार्यवाहक प्रमुख सुनिता डंगोलले यस स्वास्थ्य अभियानको औपचारिक शुभारम्भ गर्नुभयो। क्यान्सरको समयमै पहिचान हुन सके उपचार सम्भव हुने भन्दै उहाँले नागरिकलाई बेलैमा परीक्षण गराउन आग्रह गर्नुभएको छ।
कार्यवाहक प्रमुख डंगोलका अनुसार धेरैजसो महिलाहरूमा रोग तेस्रो वा चौथो चरणमा पुगेपछि मात्र अस्पताल आउने समस्या देखिएको छ। जनचेतनाको कमी, रोगप्रतिको डर र सामाजिक लाजका कारण परीक्षणमा ढिलाइ हुने गरेको उहाँको ठम्याइ छ। विश्वभर दैनिक चार जना महिलाको पाठेघरको क्यान्सरका कारण मृत्यु हुने गरेको तथ्याङ्क प्रस्तुत गर्दै उहाँले लक्षण नदेखिँदै गरिने परीक्षणले जीवन रक्षा गर्ने बताउनुभयो।
यस विज्ञापनमा इच्छुक हुनुहुन्छ?
के तपाईं लिंकमा जारी राख्न चाहनुहुन्छ वा थप विवरणको लागि आफ्नो जानकारी प्रदान गर्न चाहनुहुन्छ?
कृपया तपाईंको विवरण दिनुहोस्
अगाडि बढ्न विवरण भर्नुहोस्
सेवाग्राहीको सहजताका लागि महानगरले विशेष व्यवस्था गरेको छ। महानगरभित्रका प्रत्येक वडामा रहेका स्वास्थ्य प्रवर्द्धन केन्द्रमार्फत इच्छुकले नाम दर्ता गराउन सक्नेछन्। अस्पतालमा हुने भीडभाड कम गर्न 'क्यू सिस्टम' मार्फत समय निर्धारण गरिनेछ, जसले गर्दा सेवाग्राहीले लामो समय कुर्नुपर्ने छैन। अभियानको पहिलो दिनमै १३६ जना महिलाले स्वास्थ्य परीक्षण गराएका छन्।
गत वर्षको सफल सहकार्यलाई निरन्तरता दिँदै यस वर्ष अभियानलाई थप व्यवस्थित बनाइएको छ। महिला स्वस्थ रहे मात्रै सिङ्गो परिवार स्वस्थ रहने सन्देश दिँदै डंगोलले आफ्नो स्वास्थ्यलाई प्राथमिकतामा राख्न सबैमा अनुरोध गर्नुभयो। यो विशेष स्क्रिनिङ सेवा आगामी वैशाख २० गतेसम्म वीर अस्पतालमा उपलब्ध हुनेछ।
