भारतमा स्वास्थ्य उपचारका लागि जाने नेपाली ग्राहकहरूलाई राहत पुर्याउने उद्देश्यले एभरेष्ट बैंक लिमिटेड र भारतको नयाँ दिल्लीस्थित मेदान्त अस्पताल (द मेडिसिटी) बीच स्वास्थ्य सेवामा छुटसम्बन्धी सम्झौता भएको छ। यस समझदारीअनुसार एभरेष्ट बैंकका डेबिट तथा क्रेडिट कार्ड प्रयोगकर्ताहरूले मेदान्तका विभिन्न शाखाहरूमा उपचार गराउँदा १५ प्रतिशतसम्मको विशेष छुट प्राप्त गर्नेछन्।
यो सुविधा नयाँ दिल्ली, गुरुग्राम, लखनउ, इन्दौर, राँची र नोएडासहित भारतका विभिन्न शहरहरूमा रहेका मेदान्त अस्पतालका १३ वटै शाखाहरूमा लागू हुनेछ। बैंकका कार्डवाहकहरूले डाक्टरको परामर्श, प्रयोगशाला र रेडियोलोजीसहितको ओपिडी सेवा, शय्या भाडा तथा परीक्षण समेटिएको आइपिडी सेवाका साथै मेदान्तको स्ट्यान्डर्ड प्रिभेन्टिभ हेल्थ प्याकेजमा उक्त छुट पाउनेछन्।
यस विज्ञापनमा इच्छुक हुनुहुन्छ?
के तपाईं लिंकमा जारी राख्न चाहनुहुन्छ वा थप विवरणको लागि आफ्नो जानकारी प्रदान गर्न चाहनुहुन्छ?
कृपया तपाईंको विवरण दिनुहोस्
अगाडि बढ्न विवरण भर्नुहोस्
छुट सुविधा प्राप्त गर्नका लागि ग्राहकहरूले अस्पतालभित्र लिइएका सेवाहरूको बिल भुक्तानी एभरेष्ट बैंकको डेबिट वा क्रेडिट कार्डमार्फत गर्नुपर्नेछ। यो सम्झौताले गुणस्तरीय र विशिष्टीकृत स्वास्थ्य सेवा लिन भारत पुग्ने बैंकका ग्राहकहरूलाई वित्तीय रूपमा सहजता प्रदान गर्ने अपेक्षा गरिएको छ।
सीमापार स्वास्थ्य सेवा पहुँचलाई सरल बनाउने यस किसिमको सहकार्यले गुणस्तरीय उपचारको खोजीमा रहेका सेवाग्राहीहरूलाई प्रत्यक्ष आर्थिक लाभ पुर्याउनेछ।
