नयाँ दिल्लीमा आयोजित पहिलो बिमस्टेक गृहमन्त्रीस्तरीय सम्मेलनका क्रममा नेपालका गृहमन्त्री सुधन गुरुङ र भारतीय समकक्षी अमित शाहबीच महत्त्वपूर्ण द्विपक्षीय वार्ता सम्पन्न भएको छ। नयाँ दिल्लीस्थित नेपाली दूतावासका अनुसार मङ्गलबार भएको उक्त भेटवार्तामा दुवै मुलुकबीचको सुरक्षा संयन्त्र तथा सीमा व्यवस्थापनलाई अझ प्रभावकारी र व्यवस्थित बनाउने विषयमा विस्तृत छलफल भएको हो।
छलफलका क्रममा सीमापार हुने आपराधिक क्रियाकलाप नियन्त्रणका साथै सम्भावित प्राकृतिक विपद्को पूर्वतयारी र उद्धार कार्यमा संयुक्त तत्परता अभिवृद्धि गर्ने विषयले प्राथमिकता पाएको थियो। वार्तामा मन्त्री गुरुङले सार्वभौम समानता, पारस्परिक सम्मान र भरोसालाई केन्द्रमा राख्दै दुवै देशका जनताको बृहत्तर हितका लागि व्यावहारिक सहयोगका क्षेत्रहरूलाई अगाडि बढाउनुपर्ने धारणा राख्नुभयो।
यस विज्ञापनमा इच्छुक हुनुहुन्छ?
के तपाईं लिंकमा जारी राख्न चाहनुहुन्छ वा थप विवरणको लागि आफ्नो जानकारी प्रदान गर्न चाहनुहुन्छ?
कृपया तपाईंको विवरण दिनुहोस्
अगाडि बढ्न विवरण भर्नुहोस्
साथै, हालै नेपालमा गएको भीषण बाढी र पहिरोपछि भारत सरकारका तर्फबाट प्राप्त भएको द्रुत एवं समयोचित सहायताप्रति गृहमन्त्री गुरुङले कृतज्ञता प्रकट गर्नुभयो। दुवै छिमेकी मुलुकबीचको यो उच्चस्तरीय संवादले आगामी दिनमा सीमा सुरक्षा तथा आपत्कालीन विपद् सामना गर्ने सामर्थ्यलाई थप सुदृढ बनाउने अपेक्षा गरिएको छ।
