स्याङ्जाको चापाकोट नगरपालिका वडा नम्बर ८, रत्नपुरकी १६ वर्षीया किशोरी प्रतिक्षा विश्वकर्मा बेपत्ता भएकी छिन्। एसईई (SEE) परीक्षाको तयारीमा रहेकी उनी गत चैत २९ गते आइतबार बिहानदेखि आफ्नो घरबाट हराएकी हुन्।
बिहानै घरबाट निस्किएकी प्रतिक्षा अबेरसम्म पनि सम्पर्कमा नआएपछि परिवारले उनको खोजीका लागि स्थानीय र प्रहरीसँग सहयोगको अपिल गरेको छ। उनको अचानकको बेपत्ताले परिवारमा ठूलो चिन्ता र अन्योल सिर्जना गरेको छ।
यदि कसैले यी किशोरीलाई कतै देख्नुभएमा वा उनीबारे कुनै जानकारी प्राप्त भएमा तुरुन्त नजिकैको प्रहरी कार्यालयमा खबर गरिदिन अनुरोध गरिएको छ। साथै, परिवारलाई सिधै सम्पर्क गर्नका लागि ९७०-४२८१०४३ नम्बर उपलब्ध गराइएको छ।
अहिले स्थानीय स्तरमा उनको व्यापक खोजी भइरहेको छ र उनको सुरक्षित पुनरागमनको कामना गरिएको छ।
