काठमाडौं उपत्यका बाहिर जाने सर्वसाधारण यात्रुहरूलाई जबरजस्ती तान्ने र अभद्र व्यवहार गर्ने ४८ जनालाई प्रहरीले नियन्त्रणमा लिएको छ। जिल्ला प्रहरी परिसर काठमाडौंका अनुसार विभिन्न टिकट काउन्टरमा कार्यरत यी व्यक्तिहरूले यात्रुलाई दुःख हैरानी दिएको सूचनाका आधारमा कारबाही अघि बढाइएको हो।
प्रहरी उपरीक्षक पवन कुमार भट्टराईद्वारा जारी विज्ञप्ति अनुसार चैत १८ गते राजधानीका विभिन्न स्थानमा प्रहरी टोली परिचालन गरिएको थियो। पक्राउ परेकाहरूले यात्रुहरूलाई आफूले भनेको बस वा सुमोमा चढ्न दबाब दिने र आनाकानी गर्दा अभद्र व्यवहार गर्ने गरेको पाइएको छ।
प्रहरीले सबैभन्दा धेरै २४ जनालाई कलंकी क्षेत्रबाट नियन्त्रणमा लिएको छ। त्यसैगरी, प्रहरी वृत्त कालीमाटीको टोलीले बल्खु क्षेत्रबाट १९ जनालाई र प्रहरी प्रभाग गोंगबुले नयाँ बसपार्क क्षेत्रबाट ५ जनालाई हिरासतमा लिएको छ।
यस विज्ञापनमा इच्छुक हुनुहुन्छ?
के तपाईं लिंकमा जारी राख्न चाहनुहुन्छ वा थप विवरणको लागि आफ्नो जानकारी प्रदान गर्न चाहनुहुन्छ?
कृपया तपाईंको विवरण दिनुहोस्
अगाडि बढ्न विवरण भर्नुहोस्
हाल नियन्त्रणमा लिइएका सबै ४८ जनामाथि थप अनुसन्धान भइरहेको प्रहरीले जनाएको छ। सार्वजनिक यातायातका क्षेत्रमा हुने यस्ता बेथिति रोक्न प्रहरीले सक्रियता बढाएको छ।
टिकट काउन्टरहरूमा हुने यस्ता अवाञ्छित गतिविधिले यात्रुहरूको सुरक्षा र सम्मानमा आँच पुर्याइरहेको सन्दर्भमा यो गिरफ्तारीलाई महत्वपूर्ण मानिएको छ। आगामी दिनमा पनि यस्ता अनुगमनलाई निरन्तरता दिने प्रहरीको तयारी छ।
