सरकारले कूटनीति र आन्तरिक प्रशासन दुवैलाई समेट्ने महत्वपूर्ण निर्णय गर्दै राष्ट्रपति रामचन्द्र पौडेलको जापान भ्रमण र नेपाल प्रहरीको रासन सुविधा वृद्धि स्वीकृत गरेको छ।
बिहीवार बालुवाटारमा बसेको मन्त्रिपरिषद् बैठकले राष्ट्रपति पौडेलको नेतृत्वमा जाने प्रतिनिधिमण्डलको जापान भ्रमणलाई अनुमोदन गरेको सरकारका प्रवक्ता तथा गृहमन्त्री ओमप्रकाश अर्यालले जानकारी दिनुभयो।
उहाँका अनुसार नेपाल र जापानबीच कूटनीतिक सम्बन्ध स्थापना भएको ७०औँ वर्षगाँठको अवसरमा आयोजना हुने कार्यक्रममा सहभागिता जनाउन राष्ट्रपति पौडेल माघ १८ देखि २१ गतेसम्म तीन दिने भ्रमणमा जानुहुनेछ।
त्यसै बैठकले नेपाल प्रहरीको रासन स्केल र रासनबापतको दैनिक रकम वृद्धि गर्ने निर्णय पनि गरेको छ। प्रवक्ता अर्यालका अनुसार उक्त निर्णय आगामी फागुन १ गतेदेखि लागू हुनेछ।
सरकारको यो निर्णयले एकातिर अन्तर्राष्ट्रिय कूटनीतिक उपस्थितिलाई मजबुत बनाउने र अर्कोतिर सुरक्षाकर्मीको सेवा सुविधामा सुधार गर्ने उद्देश्य बोकेको देखिन्छ।
यस विज्ञापनमा इच्छुक हुनुहुन्छ?
के तपाईं लिंकमा जारी राख्न चाहनुहुन्छ वा थप विवरणको लागि आफ्नो जानकारी प्रदान गर्न चाहनुहुन्छ?
कृपया तपाईंको विवरण दिनुहोस्
अगाडि बढ्न विवरण भर्नुहोस्
प्रतिक्रिया
0 टिप्पणीsकृपया लगइन गर्नुहोस् तपाईंको प्रतिक्रिया दिन।