काठमाडौँ । नेपाल प्रिमियर लिग (एनपीएल) को तेस्रो संस्करणको अवसरमा एक्सट्रीम इनर्जी ड्रिङ्कले देशभरका ९ सहरका १० स्थानमा निःशुल्क फ्यान जोन सञ्चालन गर्ने घोषणा गरेको छ । क्रिकेटप्रेमीलाई आफ्नै सहरमा एनपीएलको रोमाञ्चक अनुभव गराउने उद्देश्यले यो पहल सुरु गरिएको हो ।
कात्तिक ९ गतेदेखि मंसिर ५ गतेसम्म सञ्चालन हुने एनपीएलका खेलहरू फ्यान जोनहरूमा राखिने ठूला एलईडी स्क्रिनमार्फत प्रत्यक्ष प्रसारण गरिनेछन् । फ्यान जोनमा दर्शकका लागि प्रवेश पूर्ण रूपमा निःशुल्क रहनेछ, जसले समर्थकहरूलाई सामूहिक रूपमा खेलको मजा लिन र हुटिङ गर्न सहज बनाउनेछ ।
देशभरका फ्यान जोन स्थानहरू
यस विज्ञापनमा इच्छुक हुनुहुन्छ?
के तपाईं लिंकमा जारी राख्न चाहनुहुन्छ वा थप विवरणको लागि आफ्नो जानकारी प्रदान गर्न चाहनुहुन्छ?
कृपया तपाईंको विवरण दिनुहोस्
अगाडि बढ्न विवरण भर्नुहोस्
उपत्यकाभित्र काठमाडौँको सिफल मैदान, कीर्तिपुरको माइक्रो पार्क र त्रिभुवन विश्वविद्यालय (टीयू) क्रिकेट मैदानको २ नम्बर गेटअगाडिको मैदानमा फ्यान जोन रहनेछन् । उपत्यकाबाहिर सुदूरपश्चिमको धनगढीस्थित कभर्ड हल क्षेत्र, कर्णालीको सुर्खेतस्थित घण्टाघर डबली, बुटवलको सिद्धेश्वरी ग्राउन्ड, पोखराको मालेपाटन चौर र चितवनको वीरेन्द्र बहुमुखी क्याम्पस परिसरमा फ्यान जोन रहनेछन् । त्यस्तै, मधेशको जनकपुरस्थित बाह्रबिघा चौर र पूर्वी नेपालको विराटनगरस्थित पुरानो गुद्री मैदानमा पनि खेल प्रत्यक्ष देखाइनेछ ।
साङ्गीतिक प्रस्तुति र मनोरञ्जन
फ्यान जोनमा क्रिकेटको प्रत्यक्ष प्रसारणका साथै साङ्गीतिक प्रस्तुति, मनोरञ्जनात्मक खेलकुद गतिविधि र गिभअवे कार्यक्रममार्फत आकर्षक उपहार वितरणसमेत गरिनेछ । रंगशाला पुग्न नसक्ने क्रिकेटप्रेमीका लागि यी फ्यान जोनहरू आकर्षक जमघटस्थल बन्ने अपेक्षा गरिएको छ ।
