कम्प्युटर र स्मार्टफोनको प्रयोग तीव्र गतिमा बढिरहेको डिजिटल युगमा नेपाली छात्रा प्रकृति मल्लले आफ्नो अद्भुत हस्तलेखनका माध्यमबाट विश्वभरका मानिसको ध्यान आकर्षित गरेकी छन्। उनको हातले लेखेका अक्षरहरू यति मिलेका र सफा छन् कि धेरैले सुरुमा यसलाई कम्प्युटरबाट प्रिन्ट गरिएको फन्ट ठानेका थिए।
भक्तपुरस्थित बिरेन्द्र सैनिक आवासीय महाविद्यालयमा कक्षा ८ मा अध्ययनरत रहँदा नै १४ वर्षीया प्रकृतिले सन् २०१६ मा नेपालभर पहिचान बनाएकी थिइन्। सामाजिक सञ्जालमा उनको कापीको पाना भाइरल भएपछि उनको यो विशिष्ट कलाले विश्वव्यापी प्रशंसा पाएको हो।
प्रकृतिको यो प्रतिभाले डिसेम्बर २०२२ मा पुन: अन्तर्राष्ट्रिय मञ्चमा विशेष स्थान पायो, जब उनले संयुक्त अरब इमिरेट्स (युएई) को ५१ औँ राष्ट्रिय दिवसका अवसरमा बधाई पत्र लेखिन्। नेपालस्थित युएई दूतावासमा हस्तान्तरण गरिएको उक्त हस्तलिखित सन्देशको दूतावासले सार्वजनिक रूपमा प्रशंसा गर्दै उनलाई विश्वकै उत्कृष्ट हस्तलेखनको परिचय दिएको थियो।
यस विज्ञापनमा इच्छुक हुनुहुन्छ?
के तपाईं लिंकमा जारी राख्न चाहनुहुन्छ वा थप विवरणको लागि आफ्नो जानकारी प्रदान गर्न चाहनुहुन्छ?
कृपया तपाईंको विवरण दिनुहोस्
अगाडि बढ्न विवरण भर्नुहोस्
कुनै भड्किलो वा जटिल ढाँचाविना नै अक्षरको सन्तुलन, निश्चित दूरी र स्पष्टताका कारण प्रकृतिको लेखाइ निकै आकर्षक देखिन्छ। आधुनिक युगमा टाइप गर्दा गति र सहजता प्राप्त भए पनि हातको लेखाइले मानिसको मेहनत र भावनात्मक सम्बन्धलाई प्रतिविम्बित गर्छ भन्ने सन्देश उनको कलाले दिएको छ।
प्रविधिले हरेक क्षेत्र ओगट्दै गएको वर्तमान समयमा प्रकृतिको यो सफलताले नयाँ पुस्तालाई हस्तलेखनको महत्त्व बुझ्न प्रेरित गरिरहनेछ। सरल कलम र कागजका माध्यमबाट सिर्जना गरिने यस्ता मानवीय कलाले भविष्यमा पनि उत्तिकै सम्मान पाइरहने विश्वास गरिएको छ।
